Dzysô Lena Zmuda- Trzebiatowskô i Daria Dawidowskô razã z Wastną Bòżeną sã ceszã!

Robòta przëniosła nama bëlny brzôd. Daria dobëła drëdżi môl za swòjã wiérztã pò kaszëbskù w klasach VII- VIII w lëteracczim kònkùrse a Lenka z kl.3b - dobëła wëapartniénié w malënkù pt: "Kaszëbsczé kwiatë" w Lësëch Jamach.  Jesmë baro bùszny z taczich dzéwczãtków. Gratùlëjemë.

Chtëż to taczi, co lubi kwiatë…?

Jemù roda niese darë:

jabłónë, bòjónë, lëlije, niezabôtczi i sztokróże…

Jô nôchãtnié zdrzã  na mak, bò je czerwòny jak rak.

Òb lato z  mòdrokã sã  w zbòżu kòlibie,

Jak czółenkò pò rzéce wòlno płënie.

 

Gdzes w dolëznie je kòlcati czierz,

Do niegò wiedno rãkawice bierz.

Chòcôż òstré kòlce róża mô,

Niejednémù redosc dô .

W rozmajité farwë sã przëòblékô

I w żëcym cemné blónë roznëkô.

 

Nad piãknyma kwiatama

Słuńce swiécy parminiama.

Kòżdé płatk, pò płatkù

Gëldzóny je cepłotã pòrénka.

Serce sã  redëje, czedë w ògardze słuńce królëje.

Słonecznik cëszbã rozsëjô,

A marzëbiónka  do mie òczkã mërgô.

 

Chtëż to taczi, co pilnëje kwiatë?

Ògardownik i jegò ukòchóné place.

Jegò rãkama stwòrzóny dzél swiata,

Ceszi òczë nawet całé lata.

Zaniesë snôżé, kwiatné grónkò,

tim, co serca dla jinëch mają.

Daria Dawidowska kl. 7 SP Rokity

Na zdjęciu Lena z p. Bożeną. Niestety Daria nie mogła odebrać nagrody osobiście, bo zachorowała..